ਤਾਜਾ ਖਬਰਾਂ
ਜਗਦੀਸ਼ ਥਿੰਦ
ਗੁਰੂ ਹਰ ਸਹਾਇ/ਫਿਰੋਜ਼ਪੁਰ , 16 ਸਤੰਬਰ 2026: ਪਿੰਡ ਬਾਜੇ ਕੇ ਵਿਖੇ ਸਥਿਤ ਇਤਿਹਾਸਕ 'ਡੇਰਾ ਬਾਬਾ ਰਾਮ ਥੰਮਣ' ਵਿਖੇ ਅੱਜ ਸਲਾਨਾ ਜੋੜ ਮੇਲਾ ਪੂਰੀ ਸ਼ਰਧਾ, ਭਾਵਨਾ ਅਤੇ ਉਤਸ਼ਾਹ ਨਾਲ ਮਨਾਇਆ ਜਾ ਰਿਹਾ ਹੈ।
ਸੰਤ ਮਹਾਪੁਰਸ਼ਾਂ ਦੇ ਪ੍ਰਵਚਨ: ਇਸ ਧਾਰਮਿਕ ਸਮਾਗਮ ਦੌਰਾਨ ਗੱਦੀ ਨਸ਼ੀਨ ਸੰਤ ਬਾਬਾ ਹਰਮੇਸ਼ ਦਾਸ, ਸੰਤ ਬਾਬਾ ਬ੍ਰਹਮਦਾਸ (ਗੱਦੀ ਨਸ਼ੀਨ ਡੇਰਾ ਭੁੰਮਣ ਸ਼ਾਹ,) ਅਤੇ ਸੰਤ ਬਾਬਾ ਰਜਿੰਦਰ ਸਿੰਘ (ਗੱਦੀ ਨਸ਼ੀਨ ਭਜਨਗੜ੍ਹ ਸਾਹਿਬ) ਸਮੇਤ ਹੋਰ ਵੀ ਪ੍ਰਮੁੱਖ ਸੰਤ ਮਹਾਪੁਰਸ਼ ਆਪਣੇ ਧਾਰਮਿਕ ਪ੍ਰਵਚਨਾਂ ਨਾਲ ਸੰਗਤਾਂ ਨੂੰ ਨਿਹਾਲ ਕਰਨਗੇ।
ਸਿਆਸੀ ਅਤੇ ਮੁੱਖ ਸ਼ਖਸੀਅਤਾਂ ਦੀ ਆਮਦ: ਇਸ ਮੌਕੇ ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਵਿਸ਼ੇਸ਼ ਤੌਰ 'ਤੇ ਹਾਜ਼ਰੀ ਭਰਨਗੇ। ਉਨ੍ਹਾਂ ਦੇ ਨਾਲ:
ਸਾਬਕਾ ਮੰਤਰੀ ਰਾਣਾ ਗੁਰਮੀਤ ਸਿੰਘ ਸੋਢੀ
ਸੁਨੀਲ ਕੁਮਾਰ ਜਾਖੜ
ਸੰਦੀਪ ਜਾਖੜ ,ਸ਼ੀਸ਼ਪਾਲ ਕੰਬੋਜ
ਸਰਦਾਰ ਬਲਦੇਵ ਸਿੰਘ ਮਾਹਮੂਜੋਈਆ
ਪੰਮਾ ਹਰਮੀਤ ਕੰਬੋਜ , ਬੂਟਾ ਸਿੰਘ ਰਾਣਾ ਰਾਏ, ਸੁਖਵਿੰਦਰ ਸਿੰਘ ਕਾਕਾ ਕੰਬੋਜ
ਬੋਬੀ ਕੰਬੋਜ ਅਤੇ ਇਲਾਕੇ ਦੀਆਂ ਹੋਰ ਵੀ ਮਾਣਯੋਗ ਸ਼ਖਸੀਅਤਾਂ ਸਮਾਗਮ ਵਿੱਚ ਸ਼ਿਰਕਤ ਕਰਕੇ ਸਮਾਗਮ ਦੀ ਸ਼ੋਭਾ ਵਧਾਉਣਗੀਆਂ।
ਸੱਭਿਆਚਾਰਕ ਤੇ ਧਾਰਮਿਕ ਹਾਜ਼ਰੀ: ਪੰਜਾਬੀ ਲੋਕ ਗਾਇਕ ਲਾਲ ਚੰਦ ਯਮਲਾ ਦੇ ਸ਼ਾਗਿਰਦ ਇਸ ਸ਼ੁਭ ਦਿਹਾੜੇ 'ਤੇ ਆਪਣੀ ਗਾਇਕੀ ਰਾਹੀਂ ਗੁਰੂ ਦਾ ਜਸ ਗਾਇਨ ਕਰਨਗੇ।
ਡੇਰਾ ਬਾਬਾ ਰਾਮ ਥੰਮਣ ਦਾ ਇਤਿਹਾਸ: ਜ਼ਿਕਰਯੋਗ ਹੈ ਕਿ ਬਾਬਾ ਰਾਮ ਥੰਮਣ ਜੀ, ਧੰਨ ਧੰਨ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਮਸੇਰ ਭਰਾ ਸਨ। ਦੇਸ਼ ਦੀ ਵੰਡ ਤੋਂ ਪਹਿਲਾਂ ਪਾਕਿਸਤਾਨ ਦੇ ਕਸੂਰ ਨੇੜੇ ਪਿੰਡ 'ਰਾਮ ਥੰਮਣ' ਵਿਖੇ ਉਨ੍ਹਾਂ ਦੇ ਡੇਰੇ 'ਤੇ ਹਰ ਸਾਲ ਹਜ਼ਾਰਾਂ ਦੀ ਗਿਣਤੀ ਵਿੱਚ ਸੰਗਤਾਂ ਨਤਮਸਤਕ ਹੋ ਕੇ ਮਨੋਕਾਮਨਾਵਾਂ ਪੂਰੀਆਂ ਕਰਦੀਆਂ ਸਨ। ਵੰਡ ਤੋਂ ਬਾਅਦ, ਇਸ ਡੇਰੇ ਦੀ ਸਥਾਪਨਾ ਪਿੰਡ ਬਾਜੇ ਕੇ (ਗੁਰੂ ਹਰ ਸਹਾਇ) ਵਿਖੇ ਕੀਤੀ ਗਈ, ਜਿੱਥੇ ਮੌਜੂਦਾ ਗੱਦੀ ਨਸ਼ੀਨ ਸੰਤ ਬਾਬਾ ਹਰਮੇਸ਼ ਦਾਸ ਅਤੇ ਬਾਬਾ ਰਾਧੇ ਸ਼ਿਆਮ ਨਿਰੰਤਰ ਸੰਗਤਾਂ ਨੂੰ ਗੁਰੂ ਦੇ ਲੜ ਲਾ ਰਹੇ ਹਨ।
Get all latest content delivered to your email a few times a month.
